受新冠肺炎疫情影响，各行各业都损失惨重，尤其係餐饮、娱乐同零售业，好多明星艺人大半年都冇剧拍，就连周星驰因为公司资金链嘅问题都需要变卖房产。

既然计划赶唔上变化，亦唯有变通正面面对，「TVB视后」胡定欣、李施嬅本来打算离巢，去外国或者大陆发展，无奈疫情影响，外闯梦碎继续回巢拍剧做花旦。

据悉，今年约满TVB嘅胡定欣，贵为两届视后嘅佢自然更大野心向外闯，两年前拍完《包青天再起风云》，已经有其他公司向胡定欣招手，当中同古天乐经理人公司仲一拍即合。

可惜疫情越来越严峻，胡定欣最后婉拒咗古天乐公司邀约，决定选择留喺TVB大树好遮荫，加埋乐易玲一直相当有诚意同胡定欣倾续约条件，仲加价加薪。

既然形势大变，胡定欣都唔想继续冒险向外闯，落实续约嘅胡定欣即刻接咗年尾开拍嘅重头剧《白色强人2》，据悉佢会同马国明、唐诗咏有三角恋。

而胡定欣好姊妹李施嬅同样係遭遇相似局面，旧年凭借《金宵大厦》爆红嘅李施嬅，亦决定食回头草签约TVB姊妹公司-邵氏兄弟国际影业有限公司。

《金宵大厦》令李施嬅由唔畀睇好到演技畀认同，事业大逆转，旧年四月离巢嘅佢，签约美国经理人公司Authentic，更加透露会拍加拿大剧集同美国电影。

却因为新冠肺炎疫情大失预算，外国开工遥遥无期，而且準备40岁嘅李施嬅唔想原地踏步，即使之前TVB搵佢续拍《金宵大厦2》，佢都冇马上应承，只係话考虑，配合档期。

唔理点样，都係希望胡定欣同埋李施嬅喺之后嘅事业上可以有所成就，期待佢哋嘅表演！